Ligaya at lumbay,
pag-asa,
ang mga pangarap ay nagkakatotoo.
Ang pagiging ganap ng buhay at pag-iisip.
Katatagan.
Ang kamalayan ng tungkulin,
Ang tawag ng pag-ibig mula sa langit
tinalima
ng pagiging katugon ng ating buhay.
Pagkapagod.
Apoy at pagwawagi.
Mga unos.
Tiwala sa Diyos:
Diyos lamang.
Mga tugatog.
Mga lambak.
Mga matitinding pagbuhos ng ulan,
malalim na ugat.
Masaganang bunga…
Ang pangungulimlim ng kaluluwa:
‘Diyos ko, Diyos ko…’[1]
Kasunod ang kaaya-ayang musika mula sa langit,
malayo sa simula.
Pagkaraa’y mas malapit.
Ang tunog ng tambol:
Tagumpay!
Ang daan ng buhay,
mahaba at iba-iba,
subalit malapit ang layunin.
Ang lahat,
ang bawat bagay,
ay mayroong,
noon pa man ay mayroon nang iisang tadhana,
ang maging isa sa Iyo.
Chiara Lubich
Isinalin ni Jose Aranas mula sa aklat na Here and Now: Meditations on Living in the Present. Manila: New City Press, 2014, pp. 26-27
[1] Diyos, ko, Diyos ko, bakit mo ako pinabayaan? (Marcos 15:34)